Saturday, May 27, 2017

A week to remember

This week is definitely a week to remember as a parent, now on our seventh year of raising two wonderful children. We know very well the long mile ahead of us. It does hit me the day Matric result was declared this year, as I need all my fingers to count the number of years, for them to reach that far. It's a blunt truth that while my peer group sent their children off to college, I need to check whether their 'A' is straight and pointed. Sit with them while they draw with their imaginations, tell them bedtime stories and settle their arguments.

I am just a little bit behind experiencing the joy of parenting!

So, I was elated when my son came home with the award 'Super English speaker of the Day' on Wednesday. And my joy knew no bounds when my daughter was awarded 'Best Student of the Week' and came home with a badge on Friday. It was fun showing to family and friends. Thus, it is hard to let it pass and not scribbling about it in the Tablet of my heart.


This week is special for my son and daughter as they experienced a memorable moments in their lives. As parents, they have made us proud with their achievements and it will remain a Week to Remember in our lingering memories.

A song sung at the time of their dedication came to my mind, a song penned down by a great songwriter Laithangpuia -

En chim loh parmawi tur mi a lo piang,
Pawm nin theih loh, lawm leh tul thin;
Chawi lai nau lawmawm hi.
      Dam reng rawh se, Lal Isua rawngbawlah,
      Thangin lo lian thuai sela aw;
      Lal sipai sual do tur,
      Zion ralthuam hmangin Lalpa,
      Mal rawn sawm la!



Thursday, April 12, 2012

CHI THA I THEH TAN ANG U

Galatia 6:7 – ‘Mi in a theh apiang, chumi vek chu a seng ang’

Ziak leh chhiar kan thiam theih nan tawng kan zir phawt a, chutah sikul kai in A AW B kan zir leh a, heng thilte zir chhuak hian Ziak leh chhiar thiam kan lo ni thin. Naupang tawng fiahlo erawh chuan, a lamrik ang ang a ziah avangin, fiah felfai taka a tawng theih hma chuan Ziak leh Chhiar a Master thei lo a ni.

Chanchin Tha in kan ram a thlen hma khan, hawrawp kan neih miau loh avangin ziaka dahthatna hmanrua a awmlo a, thu leh hla kan neih angte pawh tawngkaa inhlanchhawng in vawn a lo ni thin. Sikul a awmloh avangin, zirna hmun chu chhungkua ah intanin, tualchaina leh ram hnathawhna hmunahte thil chinchang inzir tirin, zirna dawn a ni thin. Zawlbuka Val upate ka atanga zirtirna an dawn chu Tlangvalte tan a hlu hle a, engemawchen an nula rim te’n an lo hre chhawng ve bawk thin.

Thil nihphung leh mihring te taksa a thil danglam lo thleng thinte hi eng ang chen nge an lo inzirtir a, an lo buatsaih lawk hriatthiam a har viau. Mizo te’n khun khan taka sawi kan hreh dan leh, fiamthu puarpawleng ah bak kan phuhchhuah loh danah hian, kan nunphung a bet tlat, mihring thanlenna in a ken tel thil hrang hrang chungchang thu hi inzirtirna a awm vak hmel loh hle mai. Thil langfiah mai tur pawh inzirtir a nih loh chuan, lang theilo lam rilru leh ngaihtuahna mihring te’n kan feel thin ang phei chu inkaihhruaina a awmlo hle ta ve ang. Heng thilte hi lo hrethiam lawk ni ila chuan buaina leh harsatna tam tak kan hmachhawn thin ang te hi kan pumpelh theih ngei a rinawm a ni.

Hmeichhiate zingah phei chuan inring lawk tura hrilhhriat an nih loh avanga mualpho taka awm, fiamthua an chhui let sak tak nawk te an awm nual a ni. Kan nu te khan an ar khaw thim dai a, rilru nuamlo leh mualphona hial tawk a, an lo tawn hriatte kha an fanute hian kan tawng ve ngei dawn tih hria in min lo zirtir sela chuan min barakhaih kher lovang le. Mo an nih laiin hrehawm an tih thin tehlul nen, mo an neih ve hnu hian hrawn nuam tak nih an tum chuang hauh lo ang hian; an lo tawn buak ang laka min venghim tur hian zirtirna engemaw tal hlan chhawn reng an tum lo. Chuti ni lo sela min buatsaih lawk thei tur hi a ni a.

Amaherawhchu, hnam fing zawkte zarah leh Ziak leh Chhiar thiam kan lo nih tak zel avangin Lehkhabu atang te in kan inhai veng chawp a, an tawn ang em tawng lovin kan lo inring lawk ve thei ta. Tlangvalte pawhin an Pa te ka atang kher lovin thil tam tak hre sa in an lo hmachhawn thei a ni. Chutih mek lai in, chhiar tur leh thian kan kawm atang te in kawng diklo lama min kai peng theitu a lo tam ta lutuk hian buaina a ti punlun leh ta zawk a ni. Hawrawp leh aw-ka atanga kan hriat bakah mit ngeia hmuh theih rilru kai peng thei a lo hluar ta zel hian rah thalo a chhuah chhunzawm ta zel a. Tunlaia natna tihbaiawm ber HIV/AIDS inkaichhawnna a percentage luah sang ber chu Sex hmansual a ni pawh hi thilmak a ni ta lo. Hengte avang hian zirtirna him tawk kan dawn theihna turin Chhungkua atanga zirna kan tan that a ngai ta tak zet a ni.

Tunlai chhuan te ah hian, he thil thalo hian zung a lo kaih thuk hle tawh a ni thei. Kawng tha zawk sial tur chuan keini hi CHI THA thehtu ah kan tang thei a ni. Chhungkaw din mek leh din mai turte kan ni a, ziak leh chhiar thiam ni in – hriatthiamnaa thuam kan ni bawk a, kan nu leh pa te’n min lo hrilh hreh thin te kha, a dik leh diklo thliar felin, chhuan lo la awm turte hian nunkawng dik an zawh theih nan zirtirna dik a kaihhruai chu kan tih makmawh a ni. Kan zirtir lo a nih chuan lehkhabu leh video/TV atangin an hre tho tho dawn a, a himlo chin thleng thleng an dai kai phah palh hlauh dah ang e.

Zirtirna kan dawnna bul hi a pawimawh hle mai. Kan tobul hian kan parchhuahna a hril si a. Thil chik mite tarlan dan in Terrorist te hi terrorist ni lo zia reng an ni lo, an zirtirna dawn in a zir miau alawm. Terrorist tur reng a piang erawh an ni hauh lo. Nimahsela, eng dang nge an nih chuan ang. Zirna an tan phat hian, kei nin marble entirnaa hmanga chhiarkawp kan inzirtir laiin, an ni chuan bomb leh grenade lem hmangin an zir miau alawm. ‘Bomb pakhatin mi 10 thihna thlen thei sela, mi 100 nunna suat turin bomb engzatnge kan mamawh ang?’ tih zawhna te chuan an zirlaibu a luah tlat a ni. Naupangte an nih lai atangin an hmelmate an hre hrang nghal nalh nalh thin nia. Chutiang chu an thinlung ah tuh sak an nih miau chuan huatna leh chhiatna bak rahchhuah tur dang a awm hauh lo ang le.

Naupang tawng fiahlo in Ziak leh Chhiar a master theihna tur chuan, felfai taka tawngchhuak tura zirtir a ngai ang hian, kan fate nunkawng dika hruai tur chuan a bul thum atanga kan fimkhur a ngai a ni. Thil a nihna tur leh a nih dan turte kan hriatfiah hmasak chuan, hriat chakna avanga kan lo zawn chawp te leh tem lawk kan tum talh te a zia awm ngei ang le. Afghan mi te’n hneh taka terrorist an siamchhuak thei anih chuan, Lei leh Vana Lalber ringtute hian CHI tha theh a zirtirna dika tan in HIV/AIDS laka chhuan lo la awm turte venhim hna hi kan thawk tan thei a ni. Mi tinin a chi theh apiang, chumi vek chu a seng dawn si a.